TÜRKMENISTANYŇ MERKEZI BANKYNYŇ GYMMAT BAHALY METALLAR WE GYMMAT BAHALY DAŞLAR GAZNASY

Türkmenistanyň we Eýranyň daşary işler ministrleri telefon arkaly söhbetdeş boldy

Mar 24, 2026

Türkmenistanyň daşary işler ministri Raşid Meredow bilen Eýran Yslam Respublikasynyň daşary işler ministri Abbas Arakçiniň arasynda telefon arkaly söhbetdeşlik boldy.

23-nji martda bolan söhbetdeşligiň başynda taraplar Nowruz baýramy mynasybetli birek-biregi gutlap, iki ýurduň halklaryna rowaçlyk hem-de abadançylyk baradaky arzuwlaryny beýan etdiler.

Abbas Arakçi Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy tarapyndan Eýranyň çagalaryna iberilen ynsanperwerlik kömegi üçin türkmen tarapyna minnetdarlyk bildirdi. Ol bu hoşniýetli we ynsanperwer kömegiň ähmiýetini aýratyn nygtady.

Çeşme: Türkmenistanyň Daşary işler ministrligi